Беларусь мае ўсё, каб даць адпор любому агрэсару — такую заяву зрабіў Аляксандр Лукашэнка падчас свайго выступу 3 ліпеня на ваенным парадзе ў Мінску з нагоды Дня незалежнасці. У сваёй прамове кіраўнік краіны зрабіў акцэнт на абароннай тэматыцы.

president.gov.by

Ён падкрэсліў важнасць павышэння боегатоўнасці для нашай краіны і растлумачыў гэта “нарастаннем глабальнай нестабільнасці”, паведамляе Еўрарадыё.

“Міжнародная бяспека разбураная. Шляхам мілітарызацыі пайшлі краіны Еўропы. Яны ўцягваюцца ў гонку ўзбраенняў і ваенныя прыгатаванні. Злучаныя Штаты Амерыкі разгортваюць тут, ля нашых межаў, сістэму супрацьракетнай абароны і ўдасканальваюць свій ядзерны патэнцыял”, — сказаў Лукашэнка.

Ён таксама заявіў, што адказам на гэтыя пагрозы стане сучаснае беларускае войска, якое цяпер мадэрнізуецца, навучанае і ўзброенае. Таксама ён адзначыў, што важны ўнёсак у павышэнне боегатоўнасці робіць абаронна-прамысловы комплекс.

“У краіне паспяхова развіваецца ўласнае ракетабудаванне. Можна назваць болей за сотню ўзораў беларускіх вырабаў ваеннага прызначэння, якія ўяўляюць сабой прынцыпова новую, інавацыйную прадукцыю”, — сказаў Лукашэнка.

Кіраўнік краіны дадаў, што “мы маем усё неабходнае, каб даць адпор любому агрэсару” і “разам з брацкай Расіяй мы абараняем межы Саюзнай дзяржавы, якую ствараем”.

Чытайце па тэме:  Лукашенко ожидает "практических результатов" от Высшего госсовета СБР

Recommend to friends
  • gplus
  • pinterest

Дадаць каментар

E-mail is already registered on the site. Please use the увайсці форма or увядзіце іншы.

You entered an incorrect username or password

На жаль, вы павінны ўвайсці ў сістэму.