Лідчына ўжо даволі даўно пакутуе праз малыя заробкі і адсутнасць працы. Шмат якія жыхары стотысячнага райцэнтру зрабіліся частымі наведнікамі цэнтру занятасці. І такая сітуацыя – не першы год.

TUT.BY

«Любую працу шукаю. Паўтары гады стаю на біржы. Вось цяпер толькі далі на працу накіраванне, праходжу камісію. Па дамове падраду толькі», – кажа Віктар Страчынскі.

Сёлета Лідскі раён – на другім месцы ў Беларусі па беспрацоўі

На пачатку сакавіка на біржы працы тут былі зарэгістраваныя амаль 900 чалавек. Толькі афіцыйны ўзровень беспрацоўя перавысіў агульны паказнік у краіне на 0.3 %.

Большасць жа працаўладкаваных лідчанаў вымушаныя працаваць за невялікія грошы.

« Заробкі маленькія. Два з паловаю, да трох, тры – гэта шмат».

«У мяне ўсе знаёмыя недзе атрымліваюць па 200 з нечым рублёў. Па два мільёны з капейкамі»

«Асабіста я атрымліваю тры. Тры мільёны на старыя грошы, то бок трыста рублёў».

– сведчаць жыхары Ліды.

Замест жыцця – выжыванне

Ва ўмовах, калі пры заробку Br 200 палову неабходна выдаткаваць на аплату камунальных паслугаў, людзям даводзіцца літаральна выжываць.

«Увесь час у пазыках, увесь час патанней даводзіцца шукаць па горадзе, каб нешта знайсці танней».

«Чацвёра дзяцей, а не хапае, у маці бяру што, прашу. 100 долараў заробак».

– даводзяць мясцовыя.

Паспяховыя прадпрыемствы таксама плоцяць няшмат

Чытайце па тэме:  Рабочие в Осиповичах опасаются возвращения на четырехдневку

Большымі заробкамі пахваліцца не могуць і ў адной з найбуйнейшых кампаніяў гораду – будаўніча-мантажным трэсце № 19.

Пры гэтым на адсутнасць замоваў кіраўніцтва трэсту не скардзіцца. Паводле іхных словаў, працы цяпер вядуцца ў Астраўцы, Іўі, Смаргоні, Карэлічах, Гезгалах ды самой Лідзе.

«Абʼекты штодня зʼяўляюцца, мы працуем, і працуем добра. Ніякіх прастояў не было… Абʼект атрымалі новы, зараз працуем без перапынку і ў суботу, і ў нядзелю. Тры – такога заробку няма. Гэта палучка, а заробак ёсць і трынаццаць», – запэўнівае дырэктар прадпрыемства Уладзіслаў Лабецкі.

Тым не менш, пра такія заробкі працаўнікі трэсту не чулі. Ад безвыходнасці людзі вымушаныя падпрацоўваць у іншых месцах, або з’яжджаць па годныя заробкі за мяжу – у Польшчу або Расею.

Белсат


Recommend to friends
  • gplus
  • pinterest

Дадаць каментар

E-mail is already registered on the site. Please use the увайсці форма or увядзіце іншы.

You entered an incorrect username or password

На жаль, вы павінны ўвайсці ў сістэму.