Юрыя Пуставога, які ўзначальваў будаўніцтва Беларускай АЭС з 2012 года, замяніў Віталь Медзякоў, што раней займаў пасаду віцэ-прэзідэнта ў справе праектаў у Расеі.

Sputnik

Sputnik

Кіраўніцтва «Росатому» вызваліла Пуставога ад пасады праз стан здароўя, паведамляе Белсат.

Прэзідэнт групы кампаніяў ASE (куды ўваходзіць «Росатом») Валерый Лімарэнка высока ацаніў уклад Пуставога ў беларускі праект:

«Беларуская пляцоўка з’яўляецца ўзорнай з пункту гледжання арганізацыі будаўніцтва. Тут паспяхова і эфектыўна прымяняюцца самыя сучасныя інструменты і тэхналогіі па кіраванні праектамі. І ў гэтым вялікая асабістая заслуга Юрыя Пуставога».

«Узоры» арганізацыі будаўніцтва – надзвычайныя здарэнні ды інцыдэнт на пляцоўцы Астравецкай АЭС.

У ноч на 10-га ліпеня корпус рэактару пераносілі з аднаго месца ў іншае на вышыні некалькі метраў, калі зламаўся падымальны кран. Сам корпус замацавалі з перакосам. Паўгадзіны ён вісеў, нахіляючыся ўсё больш, пакуль не ўпаў на зямлю.

Афіцыйны Менск прызнаў інцыдэнт толькі праз 16 дзён пасля здарэння, заявіўшы, што корпус проста атрымаў некалькі драпінаў. Расейскі падраднік настойваў на нязначнасці здарэння, але пагадзіўся яго замяніць. Мантаж замененага корпуса рэактара АЭС пад Астраўцом пачнуць напрыканцы 2016 года.

Чытайце па тэме:  Трывожны сімптом. Шэйман зноў побач з Лукашэнкам (фота, відэа)

Recommend to friends
  • gplus
  • pinterest

Дадаць каментар

E-mail is already registered on the site. Please use the увайсці форма or увядзіце іншы.

You entered an incorrect username or password

На жаль, вы павінны ўвайсці ў сістэму.