Пляцоўку пад помнік Давыду Гарадзенскаму пачалі рыхтаваць каля гродзенскіх замкаў 23 жніўня. З пачатку жніўня аўтар будучай скульптуры Сяргей Аганаў прайшоў усе інстанцыі і прыступіў да стварэння помніка, які можа стаць падарункам для Гродна на Дзень горада, пиша hrodna.life.

Гэтая прапанова перамагла ў конкурсе. Так павінен выглядаць будучы помнік.

 

Нагадаем, эскіз Сяргея Аганава перамог у конкурсе праектаў. Найлепшую прапанову вызначылі ў Гродне 12 красавіка. Тады ў конкурсе ўдзельнічалі 13 прац. Грошы на стварэнне помніка ў Гродне вылучыў мецэнат Анатоль Карабач – заснавальнік мінскай фірмы “Хорс-Мотарс”, ураджэнец Краснасельскага, што пад Ваўкавыскам.

“Нядаўна мой праект прайшоў усе ўзгадненні і я прыступіў да працы, – распавядае Сяргей Аганаў. –Вялікі кавалак каменя нам прывезлі з Расіі, з Мансураўскага радовішча. На мой погляд, гэта добрае месца здабычы патрэбнага матэрыялу. Праца няпростая, шмат складанасцей. Аб тэрмінах выканання пакуль цяжка казаць, бо я прывык усё рабіць якасна. Але, як я зразумеў, пажадана ўсё зрабіць да канца верасня”.

Гродна адзначыць сваё 889-годдзе 23 верасня

Скрыжаванні вуліц Замкавай і Давыда Гарадзенскага. Месца дзе будзе стаяць помнiк Давыду Гарадзенскаму

 

Помнік Давыду Гарадзенкаму размесціцца на скрыжаванні вуліц Замкавай і Давыда Гарадзенскага. Помнік будзе складацца з дзвюх частак: пастамент і сама скульптура. Вышыня скульптупы разам з пастаментам будзе складаць 3,75 м.

Навіны ад Belprauda.org у Telegram. Падпісвайцеся на наш канал https://t.me/belprauda.

Recommend to friends
  • gplus
  • pinterest
Поддержать проект:

Загрузка...