Мікалай Статкевіч асуджаны яшчэ на 5 сутак арышту за ўдзел у несанкцыянаванай акцыі 8 верасня на Кастрычніцкай плошчы Мінска.

Мікалай Статкевіч                                                                                                                                      Фото с сайта Вясна

 

Мікалай Статкевіч асуджаны яшчэ на 5 сутак арышту за ўдзел у несанкцыянаванай акцыі 8 верасня на Кастрычніцкай плошчы Мінска.

Такое рашэнне 26 верасня прыняў суд Ленінскага раёна. То бок да 15 сутак за акцыю 3 ліпеня, якія зараз адбывае апазіцыйны палітык, дадаюцца яшчэ 5, паведамляе Вясна.

Акцыя праводзілася ў знак пратэсту супраць беларуска-расійскіх ваенных вучэнняў «Захад-2017» і была прымеркавана да неафіцыйнага Дню беларускай вайсковай славы.

Падчас самой акцыі ніхто з яе ўдзельнікаў затрыманы не быў. Аднак за ўдзел у ёй пазней былі асуджаныя апазіцыйны палітык Уладзімір Някляеў і магілёўскі актывіст Станіслаў Паўлінковіч. Някляеў правёў сямісуткавы арышт у Цэнтры ізаляцыі правапарушальнікаў, адкуль вызваліўся 22 верасня, Паўлінковіча пакаралі штрафам у 460 рублёў.

На 28 верасня прызначаны суд над актывістам Вячаславам Сіўчыкам. Разглядаць справу будзе суд Партызанскага раёна Мінска.

У каментары БелаПАН Сіўчык адзначыў, што 4 кастрычніка ў судзе Маскоўскага раёна Мінска адбудзецца суд над актывісткай Аленай Талстой. Вядома, што пратаколы за ўдзел у акцыі 8 верасня таксама складзеныя на Яўгена Афнагеля, Алеся Макава, Паўла Севярынца, Ніну Багінскую.

Навіны ад Belprauda.org у Telegram. Падпісвайцеся на наш канал https://t.me/belprauda.

Recommend to friends
  • gplus
  • pinterest
Поддержать проект: